✨Descubrindo xuntos o que importa ✨
Nesta primavera xa iniciamos a organización da gravación do último set pendente no entorno da Catedral de Tui (non damos máis pistas…). Será unha xornada moi especial, coa que pecharemos a parte audiovisual do proxecto e que servirá de escenario para un dos momentos máis decisivos da historia. Mais aínda queda algo fundamental por facer: redactar o guión final do TRAX II.
E aquí é onde entras ti.
✨ Teu guión! Contigo ten significado e ilusión ✨
O profesorado participante entregará nos vindeiros días as bases coas condicións e características que debe cumprir o guión. Nesas instrucións atoparedes as indicacións formais (extensión, formato, prazo de entrega…) e tamén as orientacións creativas necesarias para que todas as propostas partan dun mesmo punto da historia. O obxectivo é claro: construír entre xuntos o derradeiro tramo narrativo do TRAX II, que neste momento está sen redactar.
Mica xa sabe o que todos queremos saber
E atención, porque hai unha misión en marcha.
Mica,🧭🗺️🏕️ a nosa aventureira do TRAX II, ten a encarga de provocar un xiro no guión que non o vedes vir. Algo cambiará. Algo inesperado acontecerá. A pregunta é: como? Aquí é onde a túa creatividade pode marcar a diferenza. De que maneira pode evolucionar a historia? Que decisión, revelación ou acontecemento pode transformar todo no último momento? Ela ten a chave🔑🗝️. Ou non?🤔❓❔😕
Esta actividade non é só un exercicio de escritura: é unha oportunidade para formar parte real do proceso creativo dun proxecto audiovisual. O teu texto pode converterse na base do guión que finalmente se grave na Catedral de Tui e que verá toda a comunidade educativa.
A túa voz
Precisamos ese diálogo final. Precisamos ese xiro inesperado. Precisamos a túa voz.
O alumnado participante deberá elaborar unha proposta de guión que dea continuidade á historia e que conduza cara a esa última escena que se gravará na Catedral de Tui. Buscamos textos coidados, sen faltas de ortografía, ben estruturados e fieis ás indicacións recibidas. A calidade lingüística será un requisito imprescindible: un bo guión comeza sempre por un texto claro, correcto e ben escrito.
Pero non abonda con escribir ben. Queremos emoción.
Os guións máis atractivos, máis intensos, aqueles que consigan poñernos os pelos de punta ou esbozar un sorriso cómplice, serán os que se terán en conta para elaborar o guión final definitivo do TRAX II. Valoraremos a orixinalidade, a capacidade de sorprender e a coherencia coa historia xa creada. Buscamos propostas que nos fagan sentir, que xeren tensión, que esperten curiosidade e que deixen pegada.
✨Verte feliz ✨
Animámoste a participar con ilusión, responsabilidade e ganas de sorprender. Le con atención as bases que che entregue o profesorado, revisa o teu texto antes de entregalo e atrévete a propoñer algo diferente. O TRAX II está a piques de chegar ao seu momento culminante, e ti podes ser parte dese final.
Non perdas as últimas novidades. Síguenos nesta web para estar ao día das datas, das indicacións e das novas que iremos compartindo sobre a gravación e a evolución do proxecto.
O final está por escribir. E pode levar a túa sinatura. Falamos?✨
#Vídeocandidatura25➡️
